17 мая магчымасці выкарыстання рэсурсаў ВЧЗ былі прадстаўлены для педагогаў сталічнай гімназіі № 29.
Семінар сабраў больш за 100 удзельнікаў, зацікаўленых у якасным інфармацыйным забеспячэнні адукацыйнай дзейнасці.
Доступ да сусветных электронных інфармацыйных рэсурсаў сёння адкрыты для навучэнцаў і педагогаў вядучых сярэдніх школ і гімназій Мінска – партнёраў Нацыянальнай бібліятэкі Беларусі па віртуальнай чытальнай зале.
Супрацоўнікі Нацыянальнай бібліятэкі Беларусі Марына Рудакоўская, Святлана Дзятчэнка і Юлія Мяцельская пазнаёмілі слухачоў з напрамкамі карпаратыўнага ўзаемадзеяння бібліятэк Беларусі ў сферы камплектавання электроннымі рэсурсамі і сэрвісамі віртуальнай чытальнай залы. Былі прэзентаваныя магчымасці працы з рэсурсамі ВЧЗ – электроннымі базамі даных сусветных вытворцаў, якія змяшчаюць шырокі спектр навучальных дапаможнікаў, электронных кніг, навуковых перыядычных выданняў у сферы педагогікі, дыдактычных матэрыялаў, твораў сусветнай мастацкай культуры.
