1 снежня ў Нацыянальнай бібліятэцы адбылася відэаканферэнцыя з рэгіянальнымі бібліятэкамі па пытанні захоўвання і ўліку электронных копій дакументаў.
У відэаканферэнцыі ўзялі ўдзел кіраўнікі і спецыялісты Нацыянальнай і абласных бібліятэк у анлайн-рэжыме.
Удзельнікаў прывітаў загадчык аддзела фарміравання электроннай бібліятэкі Сяргей Штых. Спецыялісты Нацыянальнай бібліятэкі Беларусі падзяліліся вопытам алічбоўкі бібліятэчных фондаў, захоўвання майстар-копій і карыстальніцкіх копій дакументаў, распавялі аб уліку лічбавых копій дакументаў і спосабах вядзення статыстычных даных.
Загадчык аддзела алічбоўкі дакументаў Яўген Жук асвятліў вопыт Нацыянальнай бібліятэкі па сканаванні розных відаў дакументаў, распавёў аб падыходах НББ па нарміраванні працэсаў алічбоўкі.
Загадчыца сектара фарміравання дакументаў у электронным выглядзе Наталля Марус падзялілася вопытам захоўвання лічбавых копій дакументаў, распавяла аб праграмным забеспячэнні, якое выкарыстоўваецца для апрацоўкі лічбавых копій перад загрузкай у сховішча, асвятліла пытанні выкарыстання праграмнага забеспячэння для збору і падліку статыстычных даных.
Матэрыял пададзены цэнтрам алічбоўкі і забеспячэння захаванасці бібліятэчных дакументаў.
