З 27 па 29 кастрычніка ў Нацыянальнай бібліятэцы Беларусі ладзіліся VI Міжнародныя кнігазнаўчыя чытанні “Бібліятэкі ў фарміраванні інавацыйнага асяроддзя для развіцця навукі, адукацыі і бізнесу”.
Арганізатарамі канферэнцыі выступілі Міністэрства культуры Рэспублікі Беларусь, НП “Бібліятэчная асамблея Еўразіі”, ГА “Беларуская бібліятэчная асацыяцыя”, ДУ “Нацыянальная бібліятэка Беларусі”.
У мерапрыемстве ўзялі ўдзел каля 300 дэлегатаў з Беларусі, Расіі, Украіны, Польшчы, Літвы, Малдовы, Таджыкістана, Злучаных Штатаў Амерыкі – вядучыя спецыялісты бібліятэк, музеяў, архіваў, выдавецтваў, адукацыйных і навукова-даследчых устаноў і арганізацый, прадстаўнікі заканадаўчай сферы і органаў выканаўчай улады, вытворцы праграмнага забеспячэння, тэхнічных сродкаў і інфармацыйнай прадукцыі.
У рамках VI Міжнародных кнігазнаўчых чытанняў прайшлі круглыя сталы “Бібліятэкі Рэспублікі Беларусь: вынікі дзейнасці і перспектывы развіцця”, “Электронныя бібліятэкі: фарміраванне і карыстанне” і “Кніга Беларусі ў кантэксце міжнародных кнігазнаўчых даследаванняў”. Таксама працавалі тэматычныя секцыі “Бібліятэка як сістэмаўтваральны элемент інфармацыйнай інфраструктуры грамадства”, “Бібліятэчная інаватыка ў развіцці навукі, адукацыі і бізнесу”, “Электронныя рэсурсы бібліятэк у сістэме інфармацыйнага развіцця грамадства”. Важнай падзеяй стала правядзенне фокуснага семінара “Бібліятэка ў Сеціве: як і з кім мы маем зносіны?”.
Вынікам работы канферэнцыі стала прыняцце рашэнняў, якія будуць садзейнічаць далейшаму супрацоўніцтву ўстаноў культуры, навукі, адукацыі і бізнесу і ўнясуць значны ўклад у фарміраванне інавацыйнага асяроддзя грамадства і яго ўстойлівага развіцця.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
