16–17 кастрычніка ў Нацыянальнай бібліятэцы Беларусі адбудзецца VI Міжнародны кангрэс “Бібліятэка – як феномен культуры”.
Мерапрыемства арганізавана Міністэрствам культуры Рэспублікі Беларусь і Нацыянальнай бібліятэкай Беларусі пры падтрымцы Міждзяржаўнага фонду гуманітарнага супрацоўніцтва дзяржаў-удзельніц СНД, Польскага Інстытута ў Мінску, Інстытута імя Гётэ ў Мінску.
У гэтым годзе мерапрыемства збярэ дэлегатаў з Беларусі, Германіі, Казахстана, Кыргызстана, Польшчы, Расіі, Украіны. Сярод іх – вядучыя спецыялісты бібліятэк, навукова-даследчых арганізацый, адукацыйных устаноў, распрацоўшчыкі і вытворцы праграмнага забеспячэння, тэхнічных сродкаў і інфармацыйнай прадукцыі.
Тэма кангрэса – “Паслугі і сэрвісы бібліятэк у сучаснай інфармацыйнай прасторы”. Дэлегаты абмяркуюць ролю бібліятэк у сучаснай інфармацыйнай інфраструктуры грамадства, тэхналогіі воблачных вылічэнняў, інавацыйныя падыходы да арганізацыі абслугоўвання карыстальнікаў і многае іншае.
Удзельнікаў кангрэса чакаюць прэзентацыі, майстар-класы і круглыя сталы. На працягу двух дзён будзе працаваць выстаўка “Паслугі і рэсурсы бібліятэк у электронным асяроддзі”.
Урачыстае адкрыццё кангрэса адбудзецца 16 кастрычніка ў 10.00 у канферэнц-зале Нацыянальнай бібліятэкі.
Больш інфармацыі тут
Тэлефоны для даведак: (8 017) 293 28 81, 266 37 07.
Е-mail: pr@nlb.by
