14 сакавіка ў дзіцячым пакоі Нацыянальнай бібліятэкі Беларусі прайшлі творчыя заняткі “Веснавы пейзаж” з цыкла “Нетрадыцыйныя спосабы выяўлення”.
На занятках дзеці пазнаёміліся з тэхнікай стварэння аплікацыі з манных круп. Выкарыстоўваючы такія матэрыялы, як каляровы кардон, манныя крупы, фарбы і клей, дзеці навучыліся ствараць прыгожыя кампазіцыі і ўвасабляць свае творчыя задумы. Веснавы настрой дзяцей адлюстраваўся ў незвычайных кампазіцыях, вырабленых самастойна, а сяброўскія ўсмешкі ўзнялі настрой усім удзельнікам мерапрыемства. Творчы працэс дапоўнілі музычная паўза і прагляд мультфільма.
