19 кастрычніка а 16-й гадзіне ў галерэі “Ракурс” Нацыянальнай бібліятэкі Беларусі адбудзецца мерапрыемства “Вечна жывы джаз”.
Чарговы сумесны праект Нацыянальнай бібліятэкі Беларусі і Пасольства ЗША ў Рэспубліцы Беларусь павінен стаць яркай падзеяй для ўсіх, хто па-сапраўднаму любіць джаз, ведае яго гісторыю і цікавіцца гэтым музычным напрамкам.
У рамках мерапрыемства адкрыецца кніжная выстаўка-прагляд з фондаў Нацыянальнай бібліятэкі Беларусі, прысвечаная элітарнаму свету джаза. У экспазіцыю ўвойдуць энцыклапедыі і слоўнікі, аўтабіяграфічныя і бібліяграфічныя выданні, грампласцінкі і кампакт-дыскі, ноты і ілюстрацыі. Адначасова пачне сваю работу выстаўка плакатаў, прысвечаных легендарнаму Луі Армстронгу – сусветна вядомаму “каралю джаза”.
У рамках мерапрыемства ладзіцца перадача Пасольствам ЗША ў Рэспубліцы Беларусь сертыфіката на набыццё музычнай базы даных для карыстальнікаў Нацыянальнай бібліятэкі Беларусі.
Падчас мерапрыемства ўсіх гасцей чакае творчае выступленне джазавых аркестраў, спевакоў і музыкаў, якія сваім выкананнем створаць адпаведную атмасферу.
Тэлефон для даведак: 293-27-67.
E-mail: pr@nlb.by
