З 8 па 9 кастрычніка ў Нацыянальнай бібліятэцы Беларусі прайшлі V Міжнародныя кнігазнаўчыя чытанні “Электронныя бібліятэкі і ліквідацыя інфармацыйнай няроўнасці”.
Арганізатарамі канферэнцыі выступілі Міністэрства культуры Рэспублікі Беларусь, Нацыянальная камісія Рэспублікі Беларусь па справах ЮНЕСКА, нацыянальныя бібліятэкі Беларусі і Чэхіі.
У мерапрыемстве прынялі ўдзел каля 300 дэлегатаў – вядучыя спецыялісты беларускіх і замежных бібліятэк, адукацыйных і навукова-даследчых устаноў і арганізацый, прадстаўнікі заканадаўчай сферы і органаў выканаўчай улады, грамадскіх аб’яднанняў, вытворцы праграмнага забеспячэння, тэхнічных сродкаў і інфармацыйнай прадукцыі.
У рамках V Міжнародных кнігазнаўчых чытанняў працавалі тэматычныя секцыі: “Арганізацыйна-тэхналагічныя аспекты функцыянавання электронных бібліятэк”, “Электронныя інфармацыйныя рэсурсы для бібліятэк: кантэнт, кіраванне, выкарыстанне”, “Абслугоўванне карыстальнікаў бібліятэк у электронным асяроддзі”. Важнай падзеяй стала правядзенне навукова-практычнага семінара “Еўрапейская электронная бібліятэка рукапісаў і старадрукаў «MANUSCRIPTORIUM»: узаемадзеянне і супрацоўніцтва”.
Вынікам работы канферэнцыі стала прыняцце рашэнняў, якія будуць садзейнічаць далейшаму супрацоўніцтву з мэтай развіцця электронных бібліятэк, павышэнню эфектыўнасці іх дзейнасці па ліквідацыі інфармацыйнай няроўнасці, выкарыстанню сучасных інфармацыйных тэхналогій у гэтай галіне.
 |
 |
 |
 |
 |
 |
 |
 |
.jpg) |
