11 чэрвеня ў Нацыянальнай бібліятэцы Беларусі адбылося пленарнае пасяджэнне V Беларускага міжнароднага медыяфоруму на тэму “Рэспубліка Беларусь: партнёрства ў імя будучыні”.
V Беларускі міжнародны медыяфорум "Партнёрства ў імя будучыні", які сабраў амаль 500 удзельнікаў, прайшоў у Беларусі з 8 па 11 чэрвеня.
Згодна з праграмай пленарнага пасяджэння былі праведзены дыскусіі на тэмы: “Інтэграцыя на постсавецкай прасторы. Праблемы і перспектывы сучаснага этапа саюзнага будаўніцтва”, “Беларусь у глабальных працэсах. Адкрытасць і мадэрнізацыя як фактары інавацыйнага развіцця краіны”, “Сродкі масавай інфармацыі як фактар кансалідацыі эканамічнай і гуманітарнай прасторы СНД”.
Па заканчэнні пасяджэння быў прыняты выніковы дакумент V Беларускага міжнароднага медыяфоруму – "Мінская ініцыятыва", у якой удзельнікі форума падкрэслілі важнасць кансалідацыі намаганняў для сумеснага рашэння праблем гуманітарнай сферы, міжнацыянальных і міжканфесіянальных адносін, адукацыі, навукі, масавай інфармацыі, культуры і экалогіі.
Арганізатарамі медыяфоруму выступілі Міністэрства інфармацыі Рэспублікі Беларусь, Міжнародная канфедэрацыя журналісцкіх саюзаў і Беларускі саюз журналістаў. Удзельнікамі сталі прадстаўнікі сродкаў масавай інфармацыі з 18 замежных дзяржаў: Расіі, Азербайджана, Арменіі, Грузіі, Туркменістана, Малдовы, Украіны, Казахстана, Таджыкістана, Узбекістана, Кыргызстана, Літвы, Латвіі, Эстоніі, Германіі, Сірыі і Вялікабрытаніі.
 |
 |
 |
