Электронную калекцыю “Мода і час” папоўнілі больш за 100 фотаздымкаў 1920–1930 гадоў з фонду рэдкай кнігі Нацыянальнай бібліятэкі Беларусі.
Нацыянальная бібліятэка прапануе адправіцца ў моднае мінулае. З фотаздымкаў амаль 100-гадовай даўніны на нас глядзяць прыгажуні ў туалетах, створаных рукамі вядомых мадэльераў таго часу: Жана Дэсе, Жанны Ланвен, Эдварда Маліно і іншых.
У калекцыі прадстаўлены:
- элегантныя паліто, жакеты, касцюмы з мноствам дэкаратыўных дэталяў і ўпрыгожванняў;
- сукенкі – як паўсядзённыя, так і вячэрнія з мяккіх тонкіх тканін, якія робяць вобраз жанчыны сапраўды каралеўскім;
- шматфункцыянальнае адзенне для спорту і падарожжаў – касцюмы для тэніса, гольфа і катання на лыжах, пляжныя камплекты, накідкі-парэа, шырокія капелюшы, паасобныя купальнікі;
- прыгожае лёгкае адзенне для сну, вытанчанае і пяшчотнае, спакуслівае і багата аздобленае пер'ем і карункамі;
- аксесуары і капялюшыкі, упрыгожаныя брошкамі і шпількамі.
Віртуальная выстаўка “Увасобленая элегантнасць” у складзе калекцыі прапануе акунуцца ў атмасферу жаноцкасці, рамантызму і стрыманасці, уласцівай модзе таго перыяду.
Матэрыял прадастаўлены аддзелам фарміравання электроннай бібліятэкі.
