11 чэрвеня Пасольства Венгрыі ў Рэспубліцы Беларусь перадала ў дар Нацыянальнай бібліятэцы Беларусі серыю манаграфій “Камітаты і гарады Венгрыі”.
На мерапрыемстве Надзвычайны і Паўнамоцны Пасол Венгрыі ў Беларусі Жолт Чутора азнаёміў публіку з манаграфіяй і расказаў пра ўплыў чытання на разумовае развіццё чалавека.
За шчодры дар і плённае супрацоўніцтва паслу падзякаваў дырэктар Нацыянальнай бібліятэкі Беларусі Раман Матульскі і ўручыў у адказ факсімільнае выданне першай у свеце кнігі пад назвай “Буквар”.
“Камітаты і гарады Венгрыі” – гэта 26 тамоў на венгерскай мове і зводны том на англійскай. У кнігах найбольш усебакова апісана Венгрыя да пачатку Першай сусветнай вайны.
Манаграфія стане каштоўным рэсурсам для даследчыкаў венгерскай мовы, геаграфіі і гісторыі краіны, яе эканамічнай геаграфіі, транспарту і дзяржаўнага кіравання.
Матэрыял прадастаўлены аддзелам сувязей з грамадскасцю.
