28 жніўня ў дзіцячым пакоі прайшла літаратурная гадзіна “Усё пра мумi-тролей”.
Зачаравальныя казкі Туве Янсан чытаць заўсёды прыемна і займальна. З героямі прыгожай і трохі сумнай гісторыі пра апошняга дракона на свеце з кнігі “Сказки долины муми-троллей” пазнаёміліся юныя ўдзельнікі мерапрыемства.
Добры і пацешны Мумi-троль, разумны і разважлівы Снусмумрык, гарэзлівая і вясёлая Крошка Мю і маленькі дракончык вучаць даражыць сяброўствам і паказваюць сваімі ўчынкамі, як павінны паступаць сапраўдныя і верныя сябры.
Пазнаёміўшыся з кнігамі Туве Янсан, у тым ліку выдадзенымі на беларускай мове, прагледзеўшы мультфільм з серыі “Прыгоды мумі-тролей”, дзеці размалявалі сюжэтныя малюнкі з упадабанымі персанажамі.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял прадастаўлены аддзелам запісу і інфармавання карыстальнікаў.