19 верасня адбылася цырымонія перадачы кніг ад Міністэрства спадчыны і культуры Султаната Аман у фонд Нацыянальнай бібліятэкі Беларусі.
17–21 верасня ў Мінску знаходзіцца афіцыйная дэлегацыя Султаната Аман на чале са старшынёй Нацыянальнага камітэта архіваў і дакументацыі Султаната Аман Хамадам аль-Давайяні. У бібліятэку госці прыехалі з асаблівай місіяй.
Каля 500 экзэмпляраў выданняў на арабскай і англійскай мовах на тэму гісторыі, рэлігіі, палітыкі; турыстычныя фотаальбомы, літаратура па культурнай спадчыне і іншых сферах жыцця Амана – такі дар дэлегацыі з султаната. Літаратура будзе карысная навукоўцам, чые даследаванні звязаныя з Пярэдняй Азіяй, а таксама ўсім, хто хоча даведацца больш аб гэтай дзіўнай краіне.
На мерапрыемстве выступілі дырэктар Дэпартамента па архівах і справаводстве Міністэрства юстыцыі Рэспублікі Беларусь Віктар Кураш, старшыня Нацыянальнага камітэта архіваў і дакументацыі Султаната Аман Хамад аль-Давайяні.
Дырэктар Нацыянальнай бібліятэкі Беларусі Раман Матульскі падзякаваў за такі каштоўны ўклад у фонд “алмаза ведаў” і перадаў у дар прадстаўнікам Амана факсімільнае выданне “Кніжная спадчына Францыска Скарыны”. Збор кніг, якое складаецца з 20-ці тамоў, было выдадзена Нацыянальнай бібліятэкай Беларусі пры падтрымцы Банка БелВЭБ у 2017 годзе да 500-годдзя беларускага кнігадрукавання.
Упершыню прадстаўнікі Амана наведалі галоўнае кнігасховішча Беларусі яшчэ ў 2007 годзе. З таго часу прайшоў шэраг візітаў, экскурсій, а таксама мастацкая выстаўка “Аман кліча”, падчас якой у фонд бібліятэкі таксама былі перададзены кнігі па гісторыі, культуры і традыцыях султаната.
Матэрыял прадастаўлены аддзелам сувязей з грамадскасцю.
