4 сакавіка ў Нацыянальнай бібліятэцы Беларусі прайшла святочная праграма "Усё ад жанчыны на свеце!", прысвечаная Дню жанчын.
У цёплай святочнай абстаноўцы мерапрыемства прагучалі пяшчотныя, ласкавыя словы і кампліменты ў адрас жанчын. Чароўных і мілых супрацоўніц павіншавала мужчынская палова калектыву.
Супрацоўніцы Нацыянальнай бібліятэкі Беларусі напярэдадні цудоўнага свята вясны, кахання і прыгажосці атрымалі віншаванні ад узорнага тэатра танца "Ирис-шоу", квартэта саксафаністаў – студэнтаў Беларускай дзяржаўнай акадэміі музыкі, дыпламантаў рэспубліканскіх конкурсаў Ігара Мураўкіна і Яніны Чарнышэвіч, а таксама ад супрацоўнікаў бібліятэкі Яніны Варанко і Аляксандра Макарэвіча, Багдана Карпава, Аляксандра Сарокіна. Жартоўная замалёўка ў выкананні Віктара Літошыка, Аляксея Тарасава і Віталя Еўдакімава павесяліла ўсіх ад душы. Сапраўднае задавальненне гледачам даставіла выступленне лаўрэата прэміі Прэзідэнта Рэспублікі Беларусь "За духоўнае адраджэнне" Алега Сямёнава.
Святочны настрой выступаючым дапамагаў ствараць абаяльны вядучы Фёдар Ястраб.