4 красавіка 2009 года дзіцячы пакой Нацыянальнай бібліятэкі Беларусі запрашае дзяцей разам з бацькамі на бясплатнае святочнае мерапрыемства “Усмешка кожнаму да твару!”, прысвечанае Дню смеху.
Запрашаем дзяцей і іх бацькоў прыняць удзел у цікавых конкурсах, патаньчыць пад гарэзлівую музыку і зрабіць падарункі сваімі рукамі. Дзеці ад душы павесяляцца і з дапамогай “чароўнай мятлы” прагоняць дрэнны настрой.
Свята дапаможа дзецям праявіць сябе знаўцамі казак, а ў конкурсах “І я таксама” і “Вусаты кот” ім спатрэбяцца ўвага і кемлівасць.
На працягу ўсяго свята будзе гучаць любімая музыка: песні “Усмешка”, “Чунга-чанга” У. Шаінскага, “Калі добры ты…” М. Пляцкоўскага і інш.
Супрацоўнікі дзяіцячага пакоя падрыхтавалі для дзяцей сюрпрыз: ім будзе прапанавана намаляваць вясёлую “смяшынку” на паветраным шарыку, які будзе суправаджаць іх на вуліцы і дома.
Запрашаюцца дзеці ва ўзросце 5–8 гадоў.
Час правядзення мерапрыемства: 12.00–13.00.
Кантактны тэлефон: 293-25-34.
