20 кастрычніка ў Круглай зале Нацыянальнай бібліятэкі Беларусі адбылося ўрачыстае ўручэнне дзяржаўных узнагарод Рэспублікі Беларусь заслужаным людзям краіны.
За шматгадовую творчую працу, высокі прафесіяналізм, узорнае выкананне службовых абавязкаў ганараваны прадстаўнікі галін прамысловасці, будаўніцтва, спецыялісты ў сферах адукацыі, культуры, аховы здароўя, спорту, дзяржаўнай статыстыкі, падатковай і мытнай сістэм.
Сярод узнагароджаных – група прафесарска-выкладчыцкага саставу вышэйшых навучальных устаноў Беларусі, супрацоўнікі дзяржаўнага вытворчага аб'яднання “Белтопгаз”, кіраўнікі вядучых прадпрыемстваў лёгкай прамысловасці, работнікі канцэрна “Белбіяфарм”, прадстаўнікі нацыянальных тэлевізійных каналаў, Беларускай дзяржаўнай філармоніі, Нацыянальнага аркестра сімфанічнай і эстраднай музыкі, спартсмены, члены нацыянальных каманд, якія баранілі спартыўны гонар краіны на зімовых Алімпійскіх гульнях у Ванкуверы і чэмпіянаце свету 2009 г. у Дортмуце, і іншыя.
Узнагароды ўручыў па даручэнні кіраўніка дзяржавы прэм'ер-міністр Рэспублікі Беларусь Сяргей Сідорскі.
