15 чэрвеня ў Круглай зале Нацыянальнай бібліятэкі Беларусі адбылося ўрачыстае ўручэнне дзяржаўных узнагарод Рэспублікі Беларусь працаўнікам розных галін народнай гаспадаркі.
Узнагароды ўручыў па даручэнні кіраўніка дзяржавы прэм’ер-міністр Рэспублікі Беларусь Міхаіл Мясніковіч.
Узнагароды атрымалі 77 чалавек. Сярод іх – прадстаўнікі Міністэрства фінансаў, Міністэрства па падатках і зборах, мытнай службы, СМІ, работнікі прадпрыемстваў прамысловасці розных рэгіёнаў Беларусі, будаўнічай галіны, адукацыйнай сферы, урачы, артысты.
Узнагароды ўручаны за высокія дасягненні ў вытворчай і сацыяльна-культурнай сферах, значны асабісты ўклад у выкананне прагнозных паказчыкаў сацыяльна-эканамічнага развіцця рэспублікі ў 2006–2010 гг.