ГалоўнаяНавіныНавіны Нацыянальнай бібліятэкі Беларусі
Цеплыня чалавечнасці
Кніжная спадчына Францыска Скарыны прэзентавана ў Бразіліі

Урок “Мая малая радзіма” ў музеі кнігі

Урок “Мая малая радзіма” ў музеі кнігі
Іншыя навіны

Сёння для вучняў 4 “Е” класа мінскай школы № 61 урок, прысвечаны Году малой радзімы, прайшоў незвычайна – не ў звыклай абстаноўцы класа, а ў музеі кнігі Нацыянальнай бібліятэкі.

Кожны ўдзельнік музейных заняткаў задумаўся над тым, што такое вялікая і малая радзіма, паспрабаваў выказаць свае меркаванні і пачуцці: “Радзіма – гэта краіна, у якой я нарадзіўся і жыву”; “Малая – таму што гэта маленькая часцінка маёй вялікай краіны”; “Мая – таму што тут мая сям’я, мае сябры, мой дом і мая школа”…

Да скарбаў вялікай Радзімы дзеткі аднеслі беларускую мову. “Родная мова – гэта мова продкаў, якая звязвае чалавека з яго народам, з папярэднімі пакаленнямі” – гэта меркаванне было пацверджана экспанатамі выстаўкі “Буквары народаў свету”. Дзеці ўбачылі 1 400 буквароў на 587 мовах самых розных народаў пяці частак свету. Кожны экспанат з’яўляецца мініяцюрнай энцыклапедыяй, у якой у нагляднай і займальнай форме падаюцца гісторыя, геаграфія, культура пэўнага народа. Асаблівае месца на выстаўцы займаюць беларускія кнігі для навучання грамаце XVI–ХХІ стст. з фондаў Нацыянальнай бібліятэкі Беларусі. Розныя па мове, графіцы, мастацкім афармленні, яны дэманструюць 400-гадовую гісторыю беларускага буквара і самой краіны.

Адным са скарбаў сваёй малой радзімы ўдзельнікі заняткаў назвалі Нацыянальную бібліятэку Беларусі, якая з’яўляецца сімвалам сталіцы. Школа № 61 знаходзіцца зусім недалёка ад бібліятэкі і яе выдатна відаць з агляднай пляцоўкі. Заняткі завяршыліся творчым заданнем – кожны ўдзельнік прапанаваў сваё каляровае афармленне галоўнай бібліятэкі краіны.

Навіны

Фонды яшчэ 37 бібліятэчных устаноў можна ўбачыць у Зводным электронным каталогу бібліятэк Беларусі

7 Жні 2020

68 тысяч бібліяграфічных запісаў на дакументы, якія захоўваюцца ў бібліятэках Шклоўскага і Крычаўскага раёнаў, папоўнілі рэгіянальны блок ЗЭК бібліятэк Беларусі – РЗЭК бібліятэк Магілёўскай вобласці.

Навіны Нацыянальнай бібліятэкі Беларусі

6 жніўня – дзень нараджэння беларускай друкаванай кнігі

6 Жні 2020

Беларускі першадрукар Францыск Скарына пачаў выдавецкую дзейнасць у 1517 годзе ў Празе. Першай кнігай стаў Псалтыр, у якім была пазначана дата завяршэння. Дзякуючы гэтаму мы ведаем не толькі год, а нават дзень нараджэння беларускай друкаванай кнігі – 6 жніўня 1517 года.

Навіны Нацыянальнай бібліятэкі Беларусі

Тэатр Уладзіслава Галубка

7 Жні 2020

Сёлета 10 жніўня спаўняецца 100 гадоў з пачатку існавання Беларускага трэцяга дзяржаўнага тэатра, арганізатарам і кіраўніком якога быў буйны дзеяч нацыянальнай сцэны, першы народны артыст Беларусі Уладзіслаў Іосіфавіч Галубок (1882–1937).

Праект “Сведкі эпохі: Беларусь на старонках газет 100-гадовай даўніны”

Да 180-годдзя загадкавага Альгерда Абуховіча

6 Жні 2020

У гісторыю беларускай літаратуры Альгерд Рышардавіч Абуховіч (псеўданім Граф Бандынэлі, даты жыцця 6 жніўня 1840 – 22 жніўня 1898) увайшоў як паэт, пісьменнік-рэаліст, перакладчык, адзін з пачынальнікаў жанру байкі, мастацкай прозы і мемуарыстыкі.

Па старонках беларускага календара

Пра сучасную Беларусь распавядае новая выстава бібліятэкі

5 Жні 2020

У Нацыянальнай бібліятэцы Беларусі, найбуйнейшым інфармацыйным цэнтры рэспублікі, сабрана максімальная колькасць аб’ектыўнай інфармацыі пра нашу краіну. Новая тэматычная выстава “Беларусь сёння” адкрылася ў зале перыядычных выданняў (пам. 106).

Кніжныя выстаўкі

Беларускія кнігі перададзены аўтаноміі беларусаў Расіі

5 Жні 2020

3 жніўня ў рамках дабрачыннай акцыі “Пра Беларусь – беларусам замежжа” Федэральнай нацыянальна-культурнай аўтаноміі беларусаў Расіі перададзена ў дар больш за 300 асобнікаў беларускіх выданняў.

Навіны Нацыянальнай бібліятэкі Беларусі

111