15 верасня ў Нацыянльнай бібліятэцы Беларусі прайшлі ўрачыстыя мерапрыемствы, прысвечаныя Дню бібліятэк.
Пачаўся дзень са святочнага канцерта для супрацоўнікаў бібліятэкі. У рамках мерапрыемства адбылася цырымонія ўручэння ўзнагарод пераможцам конкурсу прафесійнага майстэрства “Лепшы па прафесіі” сярод супрацоўнікаў бібліятэкі, а таксама цырымонія прысвячэння маладых спецыялістаў у прафесійную дзейнасць.
Вясёлы, задорны тон мерапрыемству задавалі чароўныя вядучыя – дыктар Сталічнага тэлебачання Ірына Смольская і супрацоўнік Нацыянальнай бібліятэкі Беларусі Улад Някрасаў.
Творчыя нумары ў выкананні супрацоўнікаў бібліятэкі Юліі Фраловай, Віктара Літошыка, Наталлі Святловай, Валянціны Бакуновіч, Алы Брэскай і Кацярыны Гарошка зарадзілі добрай энергіяй усіх гасцей у зале.
Доўжылася святкаванне Дня бібліятэк урачыстай цырымоніяй ускладання кветак да помніка Ф. Скарыну на плошчы перад Нацыянальнай бібліятэкай Беларусі. У святкаванні прынялі ўдзел прадстаўнікі дзяржаўных органаў у сферы бібліятэчнай справы і культуры, бібліятэчнай грамадскасці з розных рэгіёнаў Беларусі. Са святам бібліятэк прысутных павіншавалі міністр культуры Рэспублікі Беларусь Павел Латушка і старшыня Беларускай бібліятэчнай асацыяцыі Наталля Чуева. Дырэктар Нацыянальнай бібліятэкі Беларусі Раман Матульскі ўручыў маладым спецыялістам прафесійны кодэкс.
З творчымі нумарамі выступіў узорны танцавальны калектыў Харэаграфічнай школы № 1 г. Мінска "Весялушка" пад кіраўніцтвам Станіслава Дарохіна.