6 снежня а 18-й гадзіне ў канферэнц-зале (2-гі паверх) ладзіцца ўрачысты вечар, прысвечаны 20-годдзю выдавецтва “Чатыры чвэрці”, а таксама акцыя перадачы кніг у дар Нацыянальнай бібліятэцы Беларусі.
Арганізатары мерапрыемстваў – выдавецтва “Чатыры чвэрці”, Саюз пісьменнікаў Беларусі, Нацыянальная бібліятэка Беларусі.
Выдавецтва “Чатыры чвэрці” добра вядома не толькі ў Беларусі, але і далёка за яе межамі. За 20 гадоў падрыхтавана і выпушчана вялізная колькасць кніг беларускіх пісьменнікаў, паэтаў, дзеячаў літаратуры і мастацтва.
Урачысты вечар, прысвечаны 20-годдзю выдавецтва, стане своеасаблівым падвядзеннем вынікаў дзейнасці мінулых гадоў і памятнай сустрэчай з аўтарамі, сябрамі, калегамі, партнёрамі.
У рамках урачыстага вечара адбудзецца акцыя перадачы Нацыянальнай бібліятэцы Беларусі часткі тыражу кнігі Э.М. Загарульскага “Белая Русь с середины I тысячелетия до середины XIII века” з удзелам аўтара, а таксама намесніка прэм’ер-міністра Рэспублікі Беларусь А.А. Тозіка і старшыні праўлення ААТ “Прыёрбанк” С.А. Касцючэнкі, якія падтрымалі гэтае выданне.
Арганізатары мерапрыемства разлічваюць яшчэ раз прыцягнуць увагу да беларускай кнігі і культуры.
Уваход на мерапрыемства – правы бакавы.
Тэлефоны для даведак: (8 017) 293 29 80, 293 27 56.
Е-mail: pr@nlb.by