7 ліпеня ў парку Янкі Купалы адбылася ўрачыстая цырымонія ўскладання кветак да помніка народнага паэта Беларусі Янкі Купалы з нагоды 140-годдзя з дня яго нараджэння.
У святочным мерапрыемстве ўзялі ўдзел прадстаўнікі Адміністрацыі Прэзідэнта Рэспублікі Беларусь, Міністэрства культуры, Міністэрства адукацыі, Міністэрства інфармацыі, Мінскага гарадскога выканаўчага камітэта, нашчадкі Янкі Купалы, прадстаўнікі Саюза пісьменнікаў Беларусі, Беларускага саюза мастакоў, Беларускага фонду культуры і Нацыянальнай бібліятэкі Беларусі.
Да юбілейнай даты Нацыянальная бібліятэка падрыхтавала літаратурна-мастацкі выставачны праект “Песняры зямлі беларускай”, прысвечаны 140-годдзю з дня нараджэння беларускіх пісьменнікаў Янкі Купалы і Якуба Коласа. Творчая спадчына мастакоў слова прадстаўлена прыжыццёвымі выданнямі, ілюстрацыямі да твораў, асабістымі рэчамі і дакументамі паэтаў. Азнаёміцца з экспазіцыяй можна ў музеі кнігі да 31 жніўня і ў галерэі “Мабільная” (3-ці паверх) Нацыянальнай бібліятэкі Беларусі да 25 снежня.
Матэрыял пададзены аддзелам сувязей з грамадскасцю.