27 чэрвеня ў Нацыянальнай бібліятэцы Беларусі адбылося ўрачыстае мерапрыемства з нагоды Дня Канстытуцыі Украіны.
З прывітальным словам на мерапрыемстве выступілі Надзвычайны і Паўнамоцны Пасол Украіны ў Рэспубліцы Беларусь Віктар Мікалаевіч Ціханаў і першы намеснік міністра замежных спраў Рэспублікі Беларусь Ігар Віктаравіч Петрышэнка.
Спецыяльны ўпаўнаважаны прэм’ер-міністра Украіны, доктар філасофскіх навук Анатоль Уладзіміравіч Талставухаў перадаў у дар Нацыянальнай бібліятэцы Беларусі два тамы навуковага выдання “Хроніка-2000. Украіна – Беларусь”. Іх выпуск ажыццёўлены пры падтрымцы Пасольства Украіны ў Рэспубліцы Беларусь і Пасольства Рэспублікі Беларусь ва Украіне.
Нацыянальны прэзідэнцкі аркестр Украіны выступіў з канцэртнай праграмай.