6 лістапада ў Круглай зале Нацыянальнай бібліятэкі Беларусі адбылося ўрачыстае ўручэнне дзяржаўных узнагарод Рэспублікі Беларусь работнікам розных галін народнай гаспадаркі.
Узнагароды ўручыў па даручэнні кіраўніка дзяржавы прэм’ер-міністр Рэспублікі Беларусь С.С. Сідорскі.
Медалямі “За працоўныя заслугі” і Падзякай Прэзідэнта Рэспублікі Беларусь адзначаны прадстаўнікі розных рэгіёнаў краіны і сфер дзейнасці: кіраўнікі і спецыялісты ўстаноў аховы здароўя, адукацыі і культуры, органаў дзяржаўнага кіравання і кантролю, працаўнікі нафтахімічнай прамысловасці, работнікі паштовай і электрасувязі, юрысты, выкладчыкі.
У шэрагах тых, чыя праца па заслугах ацэнена на дзяржаўным узроўні, – намеснік міністра па падатках і зборах Л.А. Кандратава, намеснік старшыні Камітэта дзяржаўнага кантролю Р.П. Саўрыцкая, галоўны ўрач установы аховы здароўя “Бабруйскі радзільны дом” А.В. Пшанічная, начальнік тэхнічнага ўпраўлення рэспубліканскага унітарнага прадпрыемства электрасувязі “Белтэлекам” Л.М. Сідарэнка. Узнагароды з рук кіраўніка беларускага ўрада атрымалі 67 чалавек.