ГалоўнаяНавіныНавіны Нацыянальнай бібліятэкі Беларусі
Бібліятэка – лаўрэат конкурсу “Мастацтва кнігі – 2015”
Сучасныя інфармацыйна-камунікацыйныя тэхналогіі ў адлюстраванні кніжнага свету бібліятэк

Удзел бібліятэкі ў XXII ММКВК

Удзел бібліятэкі ў XXII ММКВК
Іншыя навіны

11–14 лютага бібліятэка прымала ўдзел у рабоце ХХIІ Мінскай міжнароднай кніжнай выстаўкі-кірмашу, якая праходзіла ў Нацыянальным выставачным цэнтры “БелЭкспа”.


У дні выстаўкі Нацыянальная бібліятэка Беларусі прэзентавала тры ўнікальныя праекты. Першы з іх – факсімільнае выданне “Кніжная спадчына Францыска Скарыны”. Перавыдадзеная спадчына змяшчае пяць кніг беларускага першадрукара, якія адрадзіліся ў выглядзе факсімільных копій пры фінансавай падтрымцы Белзнешэканомбанка.

Другі – фотаальбом “Кніжная спадчына Беларусі”, дзе ўпершыню ў вялікім аб’ёме прадстаўлены лепшыя ўзоры нацыянальнай кніжнай спадчыны з фондаў Нацыянальнай бібліятэкі Беларусі. У стварэнні альбома ўдзельнічалі супрацоўнікі бібліятэкі сумесна з калектывам выдавецтва “Беларуская Энцыклапедыя імя Петруся Броўкі”.

Трэці праект, прэзентацыю якога ўбачылі госці выстаўкі-кірмашу, – факсіміле самага старажытнага кніжнага помніка Беларусі “Тураўскае Евангелле”, створанага Нацыянальнай бібліятэкай Беларусі і кампаніяй XEROX пры падтрымцы апякунскага савета бібліятэкі. Факсімільнае выданне падрыхтавана з захаваннем усіх асаблівасцей арыгінала, дзякуючы выкарыстанню найноўшых тэхналогій. У рамках ММКВК за выпуск гэтага выдання Міністэрства інфармацыі ўзнагародзіла бібліятэку спецыяльным дыпломам і памятным знакам-сімвалам “Малы залаты фаліянт” як пераможцу Нацыянальнага конкурсу “Мастацтва кнігі – 2015” у намінацыі “Духоўнасць”.

Традыцыйна Нацыянальная бібліятэка Беларусі была ўзнагароджана дыпломам ХХIІ Мінскай міжнароднай кніжнай выстаўкі-кірмашу “За актыўны ўдзел і цікавую экспазіцыю”, паказаўшы высокі ўзровень якасці выдавецкай прадукцыі.

На асобным экспазіцыйна-выставачным стэндзе наведвальнікі змаглі азнаёміцца з вялікай колькасцю друкаваных і электронных дакументаў, падрыхтаваных і выдадзеных Нацыянальнай бібліятэкай Беларусі за апошнія гады.

Чытайце таксама:

Навіны

Знаёмыя і малавядомыя старонкі творчасці Агінскага

15 Ліс 2019

Дзяржаўны дзеяч, палітык, дыпламат і кампазітар. Міхал Клеафас Агінскі – імя, якое ведае кожны, а яго паланэз “Развітанне з Радзімай” з’яўляецца найбольш вядомым музычным творам. Аднак не многія ведаюць, што кампазітарам было напісана больш за 70 твораў, сярод якіх оперы, вальсы і мазуркі.

Навіны Нацыянальнай бібліятэкі Беларусі

Нацыянальная бібліятэка Беларусі на адной з галоўных у свеце дыскусійных пляцовак

15 Ліс 2019

Дырэктар Нацыянальнай бібліятэкі Беларусі Раман Матульскі прыняў удзел у рабоце VIII Санкт-Пецярбургскага міжнароднага культурнага форуму, які праходзіць з 14 па 16 лістапада 2019 г. i прысвечаны тэме культурных кодаў ва ўмовах глабалізацыі. Штогод Форум прыцягвае тысячы экспертаў і гасцей з усяго свету.

Навіны Нацыянальнай бібліятэкі Беларусі

Супрацоўнікі бібліятэкі сустрэліся з кіраўніком адміністрацыі Першамайскага раёна

14 Ліс 2019

14 лістапада ў Нацыянальнай бібліятэцы Беларусі прайшла сустрэча працоўнага калектыву з кіраўніком адміністрацыі Першамайскага раёна Ігарам Кудрэвічам.

Навіны Нацыянальнай бібліятэкі Беларусі

XVIII Міжнародная канферэнцыя “Развіццё інфарматызацыі і дзяржаўнай сістэмы навукова-тэхнічнай інфармацыі”

14 Ліс 2019

У Аб’яднаным інстытуце праблем інфарматыкі НАН Беларусі 21 лістапада 2019 года пройдзе XVIII Міжнародная канферэнцыя “Развіццё інфарматызацыі і дзяржаўнай сістэмы навукова-тэхнічнай інфармацыі (РІНТІ–2019)”.

Навіны бібліятэк

Валерый Славук прапануе чытаць Макса Фрая

14 Ліс 2019

У лістападзе прыхільнікаў графікі і ў прыватнасці творчасці Валерыя Славука парадавала з’яўленне новай серыі кніг – “Палац мастацтва” (і гэта невыпадкова, бо ўсе мастакі, творчасць якіх будзе адлюстравана на яе старонках, неаднаразова выстаўляліся ў галоўным храме мастацтва Беларусі).

Аўтарскі погляд

111