28 студзеня 2009 года ў Круглай зале Нацыянальнай бібліятэкі Беларусі прайшло сумеснае пасяджэнне калегій Міністэрства эканомікі Рэспублікі Беларусь і Міністэрства эканамічнага развіцця Расійскай Федэрацыі.
На пасяджэнні разглядаліся сцэнарныя ўмовы развіцця эканомік Расіі і Беларусі ў 2009 годзе і на перыяд да 2011 года, праект сумеснага плана дзеянняў урада Рэспублікі Беларусь і ўрада Расійскай Федэрацыі па мінімізацыі вынікаў фінансавага крызісу, паляпшэнні параметраў плацёжнага балансу, удасканаленні ўмоў вядзення прадпрымальніцкай дзейнасці і ўзаемнага гандлю.
У ходзе пасяджэння паміж міністрам эканомікі Рэспублікі Беларусь М.П. Зайчанкам і міністрам эканамічнага развіцця Расійскай Федэрацыі Э.С. Набіулінай быў падпісаны пратакол сумеснага пасяджэння калегій Міністэрства эканомікі Рэспублікі Беларусь і Міністэрства эканамічнага развіцця Расійскай Федэрацыі.
У рамках мерапрыемства для гасцей і ўдзельнікаў сустрэчы была праведзена экскурсія па будынку Нацыянальнай бібліятэкі Беларусі.
