4 снежня ў музеі кнігі адбыліся першыя музейныя чытанні з цыкла калядных сустрэч “Рыхтуемся разам да Калядаў”.
Падчас заняткаў юныя чытачы акунуліся ў атмасферу прыгатавання Пэтсана і коціка Фіндуса да святкавання Калядаў. Чытанне ўрыўкаў дазволіла дзецям не толькі пазнаёміцца са зместам вядомай кнігі, але і далучыцца да падзей, якія адбываюцца з галоўнымі героямі.
Удзельнікі сустрэчы чыталі ўслых, спрабавалі інтанацыяй перадаць настрой кожнага героя і нават словы ката Фіндуса імкнуліся прамовіць так, як гэта мог зрабіць сапраўдны кот. Усе разам выконвалі творчыя заданні: складалі рэцэпт імбірнага печыва, рыхтавалі шаблоны для каляднага пачастунку, малявалі ялінку для Пэтсана і Фіндуса, а таксама спрабавалі сябе ў якасці дызайнера.
Сустрэча дзяцей з кнігай Свэна Нурдквіста “Пэтсан і Фіндус святкуюць Каляды” распачала цыкл калядных сустрэч у Нацыянальнай бібліятэцы Беларусі.
Наступныя музейныя чытанні адбудуцца 11 снежня 2021 г.
Матэрыял пададзены навукова-даследчым аддзелам кнігазнаўства.