ГалоўнаяНавіныНавіны Нацыянальнай бібліятэкі Беларусі
Аб'яўляем перад усім светам: Маніфест Урада Беларускай Савецкай Рэспублікі
“Быкаўскія дні” ў Музеі-дачы Васіля Быкава

У Год малой радзімы – віртуальнае падарожжа па Магілёўскім краі

У Год малой радзімы – віртуальнае падарожжа па Магілёўскім краі
Іншыя навіны

Паважаныя сябры! У Год малой радзімы хочацца звярнуць вашу ўвагу на калекцыю унікальных электронных краязнаўчых рэсурсаў, прадстаўленых у нашай віртуальнай чытальнай зале ў раздзеле “Электронныя рэсурсы арганізацый-партнёраў”.

Самай значнай калекцыяй краязнаўчых рэсурсаў на сённяшні дзень з'яўляецца калекцыя, створаная публічнымі бібліятэкамі Магілёўскай вобласці. Звыш 30 электронных інфармацыйных рэсурсаў і баз даных рознай тэматыкі ўсебакова адлюстроўваюць гераічнае мінулае Магілёўскага краю, яго культурную самабытнасць, багатую архітэктурную спадчыну і турыстычны патэнцыял, інтэлектуальны і творчы ўклад ураджэнцаў Магілёўшчыны ў духоўную культуру нацыі.

Сярод рэсурсаў найбольш разнастайных па відавым складзе, цікавых па структуры, з вялікім аб'ёмам інфармацыі і магчымасцю пошуку па розных параметрах, адзначым “Край мой – Магілёўшчына” (Магілёўская абласная бібліятэка імя У.І. Леніна); “Магілёў: ​​вядомы і невядомы” (цэнтралізаваная сістэма дзяржаўных публічных бібліятэк г. Магілёва); віртуальныя праекты: “Працягнем кнігу «Памяць»”, “Ты ж выжыў, салдат”, “Пра вайну напісана не ўсё”, “Сямейная хроніка вайны”, “Лісты з фронту – малітва аб Перамозе”, “Я памятаю дзяцінства: ішла вайна”, “Яны вярнуліся пераможцамі”, “Увянчаная славай” (ЦБС Асіповіцкага раёна); “Бялыніччына турыстычная” (Бялыніцкая ЦБС); “Легенды і паданні роднага краю” (ЦБС Шклоўскага раёна); “Быхаў – старажытная зямля на беразе Дняпра” (ЦБС Быхаўскага раёна); “Жыццёвы і творчы шлях Максіма Гарэцкага”, “Край мой Горацкі” (Горацкая раённая бібліятэчная сетка), “Памяць пра вайну” (бібліятэчная сетка Хоцімскага раёна) і многія іншыя.

Сабраная бібліятэкарамі і краязнаўцамі па крупінках інфармацыя пра родны край сапраўды ўнікальная і непаўторная!

Калі ваш род сыходзіць каранямі ў гэты выдатны край ці вы проста цікавіцеся гісторыяй, культурай і турыстычнымі магчымасцямі рэгіёна, то раім вам адправіцца прама цяпер у займальнае падарожжа, выкарыстоўваючы інфармацыйныя электронныя рэсурсы, прадастаўленыя арганізацыямі – партнёрамі Нацыянальнай бібліятэкі Беларусі па віртуальнай чытальнай зале.

Паверце, вас чакае адкрыццё новых невядомых старонак багатай гісторыі і культуры, знаёмства са старажытнымі легендамі і паданнямі краю, маляўнічымі краявідамі, а таксама значнымі асобамі, якія ўслаўляюць гэтую выдатную зямлю.


Навіны

3 Сне 2020

28 лiстапада 1923 года ў мiнскiм камсамольскiм клубе «КIМ» сабралiся шэсць маладых пiсьменнiкаў: Мiхась Чарот, Анатоль Вольны, Алесь Дудар, Андрэй Александровiч, Язэп Пушча – i вырашылi стварыць лiтаратурнае аб'яднанне, якое ўвойдзе ў гiсторыю беларускай лiтаратуры пад назвай «Маладняк».

Да 100-годдзя літаб'яднання "Маладняк"

28 Ліс 2020

“Маладняк” – цяпер так магла б абазвацца якая-небудзь каляфутбольная брыгада з прэтэнзіяй, а 95 гадоў таму маладыя літаратары назвалі так сваё аб’яднанне. У шэрагах “Маладняка” былі такія вядомыя пісьменнікі, як Міхась Чарот, Анатоль Вольны, Міхась Лынькоў, Кандрат Крапіва, Пятро Глебка, Алесь Дудар, Міхась Зарэцкі, Кузьма Чорны, Ян Скрыган, Пятрусь Броўка, Уладзімір Дубоўка, Язэп Пушча і многія іншыя. Маладыя, моцныя, амбітныя і таленавітыя творцы з неймавернай энергіяй узяліся за справу стварэння новай культуры. Пры гэтым іх інтарэсы не абмяжоўваліся выключна літаратурай.

Да 100-годдзя літаб'яднання "Маладняк"

Як зберагчы кнігі?

2 Сне 2020

Усе мы любім чытаць у доўгія зімовыя вечары. Тамы Тургенева, Пушкіна і Дастаеўскага напэўна туляцца на паліцах хатніх бібліятэк, чакаючы сваёй гадзіны. І вось, шурпатая вокладка, пах старой паперы і... аселы пыл, які псуе ўвесь настрой.

Навіны Нацыянальнай бібліятэкі Беларусі

Вынікі анлайн-конкурсу чытальнікаў “О, Беларусь, мая шыпшына”

2 Сне 2020

У рамках праекта “На хвалі часу, у плыні жыцця” Нацыянальная бібліятэка Беларусі сумесна з інфармацыйнымі партнёрамі – часопісамі “Маладосць” і “Бярозка” з 1 кастрычніка па 15 лістапада праводзіла конкурс “О, Беларусь, мая шыпшына”, які быў прымеркаваны да 120-годдзя Уладзіміра Дубоўкі.

Да 100-годдзя літаб'яднання "Маладняк"

Рэсурсы віртуальнай чытальнай залы НББ – для інклюзіўнай адукацыі

1 Сне 2020

1 снежня ў межах мерапрыемстваў віртуальнай чытальнай залы Нацыянальнай бібліятэкі Беларусі адбылася прэзентацыя ліцэнзійных электронных інфармацыйных рэсурсаў (ЭІР) і спецыяльных распрацовак для забеспячэння інфармацыйных патрэб людзей з паслабленым зрокам і невідушчых людзей.

Навіны Нацыянальнай бібліятэкі Беларусі

Чаму кнігі такой формы (не, усё не так проста)

1 Сне 2020

Прызнаемся шчыра: мы ў захапленні ад кніг. Але ці задумваліся вы хоць раз, чаму яны выглядаюць менавіта так? І кішэнныя кніжкі памерам з кляновы лісток, і велізарныя слоўнікі, якія вы ледзь утрымліваеце ў руках, амаль заўсёды маюць адну і тую ж форму – прамавугольнік, прычым амаль адных і тых жа прапорцый. Дык у чым справа? У сучасным друку ці ж у нас саміх? Пачынаем расследаванне!

Аўтарскі погляд

111