15 лістапада ў дзіцячым пакоі прайшло творчае мерапрыемства “У гасцях у восені”.
Восень – самая маляўнічая пара года. Змены, якія адбываюцца ў прыродзе, часта становяцца крыніцай натхнення для дзяцей. Быццам сама прырода дорыць нам магчымасць захаваць ва ўспамінах гэты шчодры час з дапамогай вырабаў з прыродных матэрыялаў.
На занятках пад восеньскія мелодыі дзеці сваімі рукамі стваралі з кардону дрэвы ў восеньскім убранні. Кожнае дрэўца, зробленае маленькімі ўдзельнікамі старанна і з любоўю, атрымалася ўнікальным. А паўзы паміж творчасцю былі запоўнены музычнымі фізкультхвілінкамі.
Для хлопчыкаў і дзяўчынак час, праведзены разам, напоўніўся атмасферай залатой восені, радасцю зносін і творчасці. І ў выніку сумеснай працы дзіцячы пакой упрыгожыўся цудоўным паркам з восеньскіх дрэў.