16 чэрвеня ў дзіцячым пакоі адбылося святочнае мерапрыемства “У гасцях у Бібліятэкі”, прысвечанае 10-годдзю адкрыцця новага будынка бібліятэкі.
У гэты святочны дзень хлопчыкі і дзяўчынкі прыйшлі павіншаваць любімую Бібліятэку з юбілеем. На свяце дзеці праявілі кемлівасць і эрудыцыю, разгадваючы крыжаванку “Адгадай слова”. Мерапрыемства прадоўжылася займальнай экскурсіяй па Бібліятэцы, падчас якой дзеці даведаліся шмат новага і цікавага.
Займальным заняткам стала сумесная работа з пластыліну і прыродных матэрыялаў “Я і Бібліятэка”. Дзякуючы дзіцячай фантазіі і творчаму падыходу юных майстроў вакол макета бібліятэкі з’явіліся зялёныя дрэвы, блакітная рэчка з лебедзямі, казачныя кветнікі.
У завяршэнне свята дзеці прынялі ўдзел у рухавых гульнях з мячом і вясёлым танцавальным конкурсе, а таксама збіралі пазл.
Якое свята без падарункаў? Кожнае дзіця атрымала ад дзіцячага пакоя памятны сувенір – макет будынка Нацыянальнай бібліятэкі Беларусі.
Свята бібліятэкі падарыла ўсім дзецям цудоўны настрой і шчаслівыя ўсмешкі!
 |
 |
 |
 |
 |
 |
 |
 |
 |
 |
 |
 |
 |
 |
 |
 |
|
 |
