ГалоўнаяНавіныНавіны Нацыянальнай бібліятэкі Беларусі
Вага ўзятых абавязкаў
17 верасня – 190 гадоў Гродзенскай абласной навуковай бібліятэцы імя Я.Ф. Карскага

У Дзень бібліятэк павіншавалі лепшых па прафесіі (+відэа)

У Дзень бібліятэк павіншавалі лепшых па прафесіі (+відэа)
Іншыя навіны

15 верасня ў круглай зале Нацыянальнай бібліятэкі Беларусі прайшла ўрачыстая цырымонія ўзнагароджання ў гонар прафесійнага свята.

Супрацоўнікі Нацыянальнай бібліятэкі сёння атрымалі ганаровыя граматы, граматы і падзякі Міністэрства культуры Рэспублікі Беларусь з рук намесніка міністра культуры Рэспублікі Беларусь Валерыя Грамады.

Ганаровай граматай за шматгадовую добрасумленную працу і вялікі асабісты ўклад у папулярызацыю і захаванне нацыянальнай культуры ўзнагароджана Таццяна Крышаловіч – загадчыца сектара аддзела вядзення нацыянальнай базы даных аўтарытэтных запісаў. Граматамі за шматгадовую добрасумленную працу і высокі прафесіяналізм адзначаны – вучоны сакратар Наталля Есіс, галоўны бібліятэкар навукова-даследчага аддзела бібліятэказнаўства Ірына Кукета, начальнік планава-эканамічнага аддзела Ірына Лялькоўская.

Падзяку міністра культуры Рэспублікі Беларусь за высокі прафесіяналізм і вялікі асабісты ўклад у развіццё бібліятэчнай справы атрымалі: галоўны бібліёграф аддзела фарміравання электроннай бібліятэкі Валянціна Буйніцкая, вядучы бібліёграф навукова-даследчага аддзела бібліяграфіі Кацярына Варанько, вядучы інжынер аддзела абслугоўвання цеплатэхнічнага і сантэхнічнага абсталявання Юрый Якаўцоў.

Старшыня Цэнтральнага камітэта Беларускага прафесійнага саюза Таццяна Філімонава ўручыла граматы і падзякі Беларускага прафесійнага саюза культуры, інфармацыі, спорту і турызму. Ганаровымі граматамі за шматгадовую добрасумленную працу, актыўную дзейнасць па абароне сацыяльна-эканамічных правоў і інтарэсаў калег узнагароджаны: Таццяна Воўк, галоўны бібліятэкар аддзела камплектавання фондаў, і Людміла Пятровіч, галоўны бібліятэкар аддзела захавання спецыялізаваных фондаў. Граматай за добрасумленную працу і асабісты ўклад у арганізацыю работы прафсаюзнага камітэта Нацыянальнай бібліятэкі ўзнагароджана Яна Пляшкевіч, вядучы архівіст агульнага аддзела. За актыўную дзейнасць падзякай адзначана галоўны бібліятэкар аддзела кнігазахавання Жанна Цуркан.

Дванаццаць гадоў у Нацыянальнай бібліятэцы Беларусі адзначаюць свята, віншуючы самых годных з перамогай у аўтарытэтным штогадовым конкурсе прафесійнага майстэрства на званне “Лепшы па прафесіі”.

З прафесійным святам калектыў павіншаваў генеральны дырэктар Нацыянальнай бібліятэкі Беларусі Раман Матульскі і ўручыў дыплом у намінацыі “За вернасць і адданасць прафесіі” Галіеўскай Яўгеніі, якая працуе ў бібліятэцы з 1981 года, і ўсе 39 гадоў яе працоўнай дзейнасці прысвечаны даследаванню і прапагандзе беларускай культуры.

У намінацыі “Лепшы па прафесіі” дыпломы атрымалі:

  • Сяржант Ганна – загадчыца сектара ўліку заработнай платы бухгалтэрыі;
  • Шашэнька Наталля – галоўны бібліёграф навукова-даследчага аддзела бібліяграфіі інфармацыйнага цэнтра;
  • Дранец Людміла – вядучы бібліёграф аддзела бібліяграфічнай апрацоўкі дакументаў;
  • Карняйчук Наталля – вядучы бібліятэкар навукова-даследчага аддзела бібліятэказнаўства;
  • Новік Алена – вядучы эканаміст планава-эканамічнага аддзела;
  • Баброўнік Аляксандр – вядучы інжынер аддзела культурна-відовішчнай дзейнасці;
  • Дзямідава Алеся – галоўны бібліятэкар аддзела бібліятэчна-інфармацыйных тэхналогій;
  • Якавенка Алена – загадчыца сектара інфармацыйнай падтрымкі аддзела суправаджэння інтэрнэт-партала.

У намінацыі “За лідарства і паспяховае кіраўніцтва” пераможцамі сталі:

  • Вашкевіч Ірына – галоўны бібліёграф навукова-даследчага аддзела кнігазнаўства;
  • Ісаева Вольга – загадчыца сектара аддзела рэстаўрацыі і кансервацыі бібліятэчных дакументаў;
  • Бурачэўскі Уладзімір – намеснік начальніка службы бяспекі і рэжыму.

“За ўклад у развіццё бібліятэчнай справы” ўзнагароду атрымала Святлана Сянькоўская – загадчыца сектара аддзела кнігазахавання.

У гэтым годзе конкурс пашырыў свае рамкі – да ўзнагароды была прапанавана яшчэ адна намінацыя – “Лепшы грамадскі лідар”. У гэтай намінацыі ўзнагароджана Таццяна Акімава, вядучы інжынер дыспетчарскага аддзела.

Не забылі адзначыць і новае папаўненне супрацоўнікаў бібліятэкі. У намінацыі “Лепшы малады спецыяліст” узнагароджана дыпломам інжынер-праграміст інфармацыйна-вылічальнага аддзела Наталія Мароз. Сказаныя на дарогу словы прагучалі ў адрас маладых спецыялістаў ад намесніка генеральнага дырэктара – дырэктара па эканоміцы, рэжыму, эксплуатацыі будынка і абсталявання Станіслава Каспяровіча.

Матэрыял пададзены аддзелам сувязей з грамадскасцю.

Дарагія калегі!

Ад усёй душы віншуем вас са святам! Вялізнага вам шчасця, нястомных сіл і цудоўнага настрою.


Навіны

Папулярызацыя рэсурсаў віртуальнай чытальнай залы НББ

30 Кас 2020

29 кастрычніка прайшоў анлайн-семінар віртуальнай чытальнай залы НББ для супрацоўнікаў Прэзідэнцкай бібліятэкі Рэспублікі Беларусь. Прафесійная сустрэча была прысвечана аднаму з самых актуальных пытанняў бібліятэчнага абслугоўвання ў сучасных умовах – выкарыстанню ліцэнзійных электронных інфармацыйных рэсурсаў.

Навіны Нацыянальнай бібліятэкі Беларусі

“Бу!”: даведнік па дамах з прывідамі ў літаратуры

30 Кас 2020

Што можа быць больш прывабным і адначасова страшным для чытача, чым дамы з прывідамі? За апошнюю сотню гадоў мы сталі сведкамі мноства сумных гісторый, дзе галоўныя героі заключаюць здзелку стагоддзя і купляюць дом, у якім яны самі – нечаканыя госці. Мара ператвараецца ў кашмар, а родныя сцены больш не здаюцца бяспечнымі. Прадстаўляем вам даведнік па самай містычна небяспечнай нерухомасці ў літаратуры!

Аўтарскі погляд

30 кастрычніка – 115 гадоў з дня нараджэння народнага мастака Беларусі, выдатнага скульптара Андрэя Ануфрыевіча Бембеля (1905–1986)

30 Кас 2020

Імя мастака добра вядома не толькі знаўцам беларускага мастацтва ХХ стагоддзя, але і шматлікім гасцям нашай краіны. Бо сярод найбольш вядомых турыстычных аб’ектаў мемарыяльны комплекс “Брэсцкая крэпасць-герой”, Курган Славы, манумент Перамогі ў Мінску і многае іншае, аўтарам або суаўтарам стварэння якіх з’яўляўся Андрэй Бембель.

Па старонках беларускага календара

Свабоднае праграмнае забеспячэнне для стварэння краязнаўчых рэсурсаў бібліятэк

29 Кас 2020

22 кастрычніка ў рамках VII Міжнароднага кангрэса “Бібліятэка як феномен культуры” Віктар Пшыбытка правёў анлайн майстар-клас “Выкарыстанне свабоднага праграмнага забеспячэння для стварэння краязнаўчых рэсурсаў бібліятэк”.

Навіны Нацыянальнай бібліятэкі Беларусі

Захаванасць дакументаў як залог якаснага задавальнення чытацкіх запытаў

29 Кас 2020

Ва ўмовах дэфіцыту фінансавання, недахопу плошчаў для размяшчэння фондаў, зніжэння экзэмплярнасці закупляемых дакументаў, пагаршэння якасці паперы і спажывецкіх характарыстык выдавецкай прадукцыі ўзрастае пагроза зніжэння колькаснага і якаснага складу бібліятэчных фондаў. Без актыўнай працы па забеспячэнні захаванасці бібліятэчных фондаў значная частка дакументаў можа быць бязвыплатна страчана.

Навіны Нацыянальнай бібліятэкі Беларусі

29 Кас 2020

Кожны год у канцы кастрычніка мы ўспамінаем сумную дату. У ноч з 29-га на 30-е ў 1937 годзе былі забіты некалькі дзясяткаў беларускіх паэтаў, пісьменнікаў, навукоўцаў... Сярод тых, хто загінуў у той жудасны час, ёсць адзін пісьменнік, сёлетні юбіляр, які ўвайшоў у гісторыю пад імем Янка Нёманскі. Давайце ўспомнім гэтага чалавека, а тым самым – усіх, хто быў забіты і не паспеў даспяваць свае песні.

Навіны бібліятэк

111