19 чэрвеня ў бібліятэцы прайшоў паўфінал Рэспубліканскага конкурсу юных чытальнікаў “Жывая класіка”.
Юныя таленты – удзельнікі абласных і Мінскага гарадскога конкурсаў. Усяго – 30 чалавек. Удзельнікі прайшлі першы, другі і трэці этапы. Да паўфіналу чытальнікі падрыхтаваліся грунтоўна: дзіцячыя выступленні ўпрыгожвалі святочныя прычоскі і стракатыя касцюмы.
Пераканаўчыя жэсты, міміка, часта нечаканыя, не па-дзіцячы перададзеныя эмоцыі – і вось на фінішнай прамой аказаліся 15 самых таленавітых чытальнікаў. Вырашальны паядынак пройдзе ў Слоніме на святочнай сцэне XXVI Дня беларускага пісьменства.
Арганізатары конкурсу – Міністэрства інфармацыі Рэспублікі Беларусь, Міністэрства адукацыі Рэспублікі Беларусь, ЗАТ “Сталічнае тэлебачанне”, ГА “Саюз пісьменнікаў Беларусі”.
Матэрыял прадастаўлены аддзелам сувязей з грамадскасцю.