18 студзеня для супрацоўнікаў бібліятэкі адбылося святочнае мерапрыемства “Калядны рэтра-шлягер”.
Канцэрт стаў завяршальным акордам у чарадзе зімовых свят. Гледачы змаглі акунуцца ў атмасферу настальгіі і ўспомніць пра самае галоўнае – любоў і надзею.
У канцэрце прынялі ўдзел спявак, лаўрэат спецыяльнай прэміі Прэзідэнта Рэспублікі Беларусь “За духоўнае адраджэнне”, кавалер ордэна Францыска Скарыны Алег Сямёнаў, выканаўца песень Вераніка Цубікава, а таксама тэатр танца “Отражение” і танцавальны калектыў “Задоринка”.
Выканаць рэтра-песні 60-х гадоў на сцэну выйшлі і супрацоўнікі бібліятэкі: Наталля Жывалкоўская, Кацярына Гарошка, Васіль Прус, Наталля Святлова і Леанід Крыўцоў.
Дарагія калегі!
Няхай 2019 год прынясе вам многа шчасця, удачы, усмешак і цяпла, будзе шчодры на яркія падзеі і прыемныя ўражанні!
Матэрыял прадастаўлены аддзелам сувязей з грамадскасцю.
