29 лістапада ў Нацыянальнай бібліятэцы прайшло пасяджэнне Рэспубліканскага міжведамаснага каардынацыйнага савета па патрыятычным выхаванні насельніцтва Рэспублікі Беларусь пад старшынствам намесніка кіраўніка Адміністрацыі Прэзідэнта Рэспублікі Беларусь Ігара Луцкага.
У мерапрыемстве ўзялі ўдзел міністр культуры Рэспублікі Беларусь Анатоль Маркевіч, міністр адукацыі Рэспублікі Беларусь Андрэй Іванец, старшыня прэзідыума Нацыянальнай акадэміі навук Беларусі Уладзімір Гусакоў, дырэктар Інстытута сацыялогіі НАН Беларусі Мікалай Мыслівец, рэктар Рэспубліканскага інстытута вышэйшай школы, сакратар савета Юрый Бондар, прадстаўнікі міністэрстваў, Палаты прадстаўнікоў, рэспубліканскіх і мясцовых органаў дзяржаўнага кіравання, грамадскіх аб’яднанняў.
Падчас нарады былі разгледжаны пытанні выканання Праграмы патрыятычнага выхавання насельніцтва Рэспублікі Беларусь на 2022–2025 гады і мерапрыемстваў па яе рэалізацыі. Асаблівую ўвагу ўдзельнікі надалі генацыду беларускага народа ў гады Вялікай Айчыннай вайны як фактару патрыятычнага выхавання насельніцтва, патрыятычным каштоўнасцям у сучасных уяўленнях беларусаў (з вопыту сацыялагічнага даследавання Інстытута сацыялогіі НАН Беларусі), фарміраванню банка даных аб’ектаў нацыянальнага здабытку Рэспублікі Беларусь.
Спецыяльна да пасяджэння каардынацыйнага савета Нацыянальная бібліятэка падрыхтавала тэматычную выставу-прагляд выданняў, прысвечаных дзяржаўным сімвалам, эканоміцы, палітыцы і ідэалогіі Беларусі, культурнай і гістарычнай спадчыне нашай краіны. Выданні адлюстроўваюць асаблівую значнасць грамадзянска-патрыятычнага выхавання навучэнцаў, узрастаючую ролю і вопыт устаноў адукацыі па выхаванні розных узроставых катэгорый нашых грамадзян.
Рэспубліканскі міжведамасны каардынацыйны савет па патрыятычным выхаванні насельніцтва Рэспублікі Беларусь з’яўляецца пастаянна дзеючым калегіяльным дарадчым органам. Асноўная яго задача –каардынацыя ўзаемадзеяння рэспубліканскіх органаў дзяржаўнага кіравання, мясцовых выканаўчых і распарадчых органаў, грамадскіх аб’яднанняў, іншых зацікаўленых па патрыятычным выхаванні насельніцтва.
Матэрыял пададзены аддзелам сувязей з грамадскасцю.