9 красавіка ў дзіцячым пакоі прайшлі творчыя заняткі “У падарожжа па Млечным шляху”.
Аказваецца, маляваць карціны можна не толькі фарбамі, але і пластылінам. На занятках дзеці асвоілі тэхніку нанясення пластылінавых мазкоў, навучыліся змешваць розныя колеры пластыліну для атрымання незвычайных адценняў. Атрыманыя веды і ўменні яны ўжылі пры стварэнні “касмічнай” карціны з пластыліну.
На старонках кніг пра космас дзеці даведаліся шмат цікавай інфармацыі аб планетах і зорках. Гульня “Праверка раўнавагі” дапамагла выявіць самых спартыўных і вынослівых удзельнікаў.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
