12 лютага ў дзіцячым пакоі прайшлі творчыя заняткі “Сунічная паштоўка”.
Дэкаратыўным фонам для аб’ёмнай паштоўкі стаў яркі плецены дыванок з каляровай паперы. З дапамогай загадзя падрыхтаваных трафарэтаў дзеці нанеслі на каляровы фааміран контуры сэрцайкаў розных памераў. Потым выразаныя нарыхтоўкі-сэрцайкі наклеілі ў пэўнай паслядоўнасці на плецены папяровы дыванок. У выніку, атрымалася прыгожая паштоўка з аб’ёмнай аплікацыяй у выглядзе сунічкі.
Пазнавальным для ўдзельнікаў мерапрыемства стала знаёмства з кнігамі “Земляника под снегом. Сказки японских островов” і “Земляничная поляна”.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
