9 ліпеня ў дзіцячым пакоі прайшлі творчыя заняткі "Птушачкі", на якіх маленькія ўдзельнікі стварылі выраб з кардону.
Дзеці навучыліся выразаць, камбінаваць і склейваць дэталі з паперы для скрапбукінгу, каляровага гафрыраванага кардону і драўляных шпажак. Гатовых папяровых птушачак яны замацавалі на пластылінавай аснове.
Юныя ўдзельнікі даведаліся шмат цікавага пра крылатых пеўчых, адгадалі загадкі, пагулялі ў гульні "Прыляцелі птушкі" і "Дзень – ноч".
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
