13 лістапада ў дзіцячым пакоі прайшлі творчыя заняткі “Маленькі сувенір”, удзельнікі якіх зрабілі магніцік.
Незвычайным матэрыялам для крэатыўнага вырабу сталі рознакаляровыя накрыўкі ад пластыкавых бутэлек.
Выкарыстоўваючы нарыхтоўкі з каляровай паперы і выдзяляючы дэталі яркімі фламастарамі, дзецям удалося ператварыць пластмасавыя накрыўкі ў пацешных і вясёлых персанажаў.
Кавалачак магнітнай стужкі стаў завяршальным элементам у стварэнні сувенірнага магніціка, які можа стаць арыгінальным падарункам для сяброў.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.