11 снежня ў дзіцячым пакоі прайшлі творчыя заняткі “Ліст Дзеду Марозу”.
Напярэдадні зімовых свят існуе цудоўная традыцыя пісаць лісты Дзядулю Марозу. Але ліст без канверта ніяк не можа дайсці да адрасата.
Каб зрабіць канверт, дзецям спатрэбіўся белы аркуш, які яны склалі ў пэўным парадку па намечаных пункцірных лініях. Самаробныя канверцікі ўдзельнікі мерапрыемства ўпрыгожылі выразанымі карцінкамі і пушыстымі сняжынкамі з паперы для скрапбукінгу.
Чытанне вершаў з кнігі Андрэя Усачова “Азбука Деда Мороза” і казкі “Морозко”, а таксама ўдзел у рухавай гульні “Ёлачкі-пянькі” дазволілі дзецям акунуцца ў атмасферу надыходзячых свят.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
