8 студзеня ў дзіцячым пакоі прайшлі творчыя заняткі “Анёлак”.
Маленькія ўдзельнікі паслухалі невялікія гісторыі, вершы з кнігі Алены Якімавай “Ангел по небу летел”.
Выкарыстоўваючы для вырабу белую і каляровую гафрыраваную паперу, кардон, глітэрную плёнку з блішчынкамі, дзеці стварылі аб’ёмную фігурку анёла і ўпрыгожылі цёмна-сіняе неба яркімі залатымі зоркамі і белымі сняжынкамі.
Выяўляючы спрыт і кемлівасць, хлопчыкі і дзяўчынкі з задавальненнем паўдзельнічалі ў рухомых гульнях.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
