У першы месяц лета юныя сябры бібліятэкі наведалі творчыя сустрэчы ў музеі кнігі.
Праляцеў першы летні месяц – чэрвень. Крыху сумна, але той, хто весела бавіў час, назаўжды захавае ўспаміны пра цудоўна праведзеныя дні.
2022 год – юбілейны год для Нацынальнай бібліятэкі Беларусі, таму адбываецца яшчэ больш цікавых мерапрыемстваў і праектаў. Летам мы працягнулі цыкл музейных чытанняў і прапанавалі далучыцца да іх усіх жадаючых.
Актыўнымі ўдзельнікамі летніх чытанняў у чэрвені сталі дзеці школьных аздараўленчых летнікаў сярэдніх школ г. Мінска № 172, № 114 і № 196. Юныя сябры наведалі не толькі летнія чытанні ў музеі кнігі, але таксама далучыліся і да музейных заняткаў “Як да нас прыйшла кніга”, “Францыск Скарына – беларускі першадрукар”, “Васковыя таблічкі”, “Па старонках «Малой падарожнай кніжкі» Францыска Скарыны”.
Запрашаем дзяцей наведаць летнія чытанні ў музеі кнігі ў жніўні. Сачыце за анонсам.
Матэрыял пададзены навукова-даследчым аддзелам кнігазнаўства.