14 лістапада а 17-й гадзіне ў зале адукацыйных тэхналогій (3-ці паверх, пам. 346) пройдзе творчы вечар мастака, барда і паэта Сяргея Шыла.
Сустрэча арганізавана ў рамках праекта мастацтвазнаўцы Ларысы Фінкельштэйн “Разумны метал”.
Паэтычная грань асобы Сяргея Шыла выявілася ў вершах і песнях болем пра Афган. Тая ж тэматыка раскрыла і яго мастацкія здольнасці, чым прынесла ўсебакова таленавітаму чалавеку вядомасць і прызнанне ў творчых колах.
У творчы свет Сяргей Шыла ўвайшоў дзякуючы захапленню калекцыянаваннем з наступным адкрыццём уласнага музея. На шляху самавызначэння яму прыходзілася працаваць і цесляром, і сталяром, і майстрам, быў ён і дырэктарам фірмы. Сёння гэты чалавек паўстае перад намі мастаком, які робіць творы мастацтва з простага, укладваючы новы, глыбокі сэнс у прадметы, формы, колеры, словы і ноты.
Гаворачы пра творчасць Сяргея Шыла, мастацтвазнавец Ларыса Фінкельштэйн адзначае: “Яго выстаўкі і песні – гэта своеасаблівы музычна-паэтычны пластычны тэатр, новая форма аўтарскага стварэння выяў і іх выражэння. За што б ён ні ўзяўся – гэта заўсёды крэатыўна, таленавіта, свежа, востра і нечакана”.
Тэлефон для даведак: (8 017) 293 27 56.
Е-mail: pr@nlb.by
