14 мая ў дзіцячым пакоі прайшлі творчыя заняткі па тэхніцы ніткаграфіі “Каляровыя фантазіі”.
Пры стварэнні малюнка дзеці замест пэндзлікаў выкарыстоўвалі прамочаныя фарбай ніткі. Выкладваючы і працягваючы іх паміж двума аркушамі паперы, дзеці навучыліся ствараць вельмі яркія і незвычайныя карціны.
У прыгожых кампазіцыях юныя мастакі змаглі ў розных спалучэннях вясновых кветак перадаць цудоўны настрой і падзяліцца радасцю адзін з адным.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.