9 сакавіка ў бібліятэцы адбудзецца ўрачыстае адкрыццё выстаўкі “Творчасць Тараса Шаўчэнкі вачыма юных мастакоў”.
Мерапрыемства прысвечана дню нараджэння вялікага ўкраінскага паэта і мастака Т.Р. Шаўчэнкі (1814–1861). Гэтую памятную дату адзначаюць не толькі ва Украіне, на радзіме Вялікага Кабзара, але і ў многіх краінах свету, дзе жывуць украінцы, у тым ліку і ў Беларусі.
На выстаўцы будуць прадстаўлены малюнкі навучэнцаў мінскіх мастацкіх школ, студый, цэнтраў дадатковай адукацыі дзяцей і моладзі – удзельнікаў і пераможцаў I і II Мінскіх Шаўчэнкаўскіх конкурсаў малюнкаў, на якіх было прадстаўлена больш за 220 работ.
Выстаўка пазнаёміць гасцей з творчасцю будучых мастакоў, якія ў сваіх працах прадэманстравалі веды па творчасці Т. Шаўчэнкі, імкнуліся адлюстраваць свет яго герояў, паказаць рэальную карціну народнага жыцця, светлыя і гераічныя яго бакі.
Вернісаж пачнецца а 16-й гадзіне ў галерэі “Панарама” (22-гі паверх). Экспазіцыя будзе размешчана тут да канца сакавіка.
Уваход на ўрачыстае адкрыццё выстаўкі – цэнтральны. З 10 сакавіка ўваход на выстаўку платны і складае кошт наведвання агляднай пляцоўкі Нацыянальнай бібліятэкі Беларусі.
Тэлефоны для даведак: (8 017) 293 27 56, 293 28 33.
Е-mail: pr@nlb.by
