18 чэрвеня ў музеі кнігі на занятках “Папяровыя цуды” ўдзельнікам было прапанавана абмеркаваць: што будзе больш карысна купіць – кнігу альбо торт; што больш неабходна мець для баўлення часу – кнігу, камп’ютар альбо тэлевізар. Дзеткі знаходзілі ўсе плюсы і мінусы прапанаваных прадметаў, выказваліся, спрачліся і падводзілі вынікі. Трэба адзначыць, што ў гэтых спрэчках кніга перамагла. Удзельнікі прызналі яе карысць і абгрунтавана даказалі.
У якасці творчага задання дзецям было прапанавана зрабіць сваімі рукамі мініяцюрныя кнігі.
На фота: удзельнікі заняткаў “Папяровыя цуды” – вучні сярэдняй школы № 172 г. Мінска.
Заняткі арганізаваны ў межах праекта “У госці да кніг”.
Матэрыял прадастаўлены навукова-даследчым аддзелам кнігазнаўства.
