19 сакавіка ў дзіцячым пакоі прайшлі заняткі цыкла “Цікава пачытаць”, на якіх дзеці пазнаёміліся з кнігамі Анастасіі Гундэр “Подарок для слонёнка” і “Всего один апельсин”.
Дзеці даведаліся пра няўрымслівае сланяня, на якое ўсе сварыліся за тое, што яно гучна тупала. На дапамогу сланяняці прыйшоў крот-шавец і яго сям’я. Ён змайстраваў тапкі з дзьмухаўцоў, у якіх сланяня стала лётаць, як матылёк.
Разгледзеўшы маляўнічыя ілюстрацыі, дзеці намалявалі галоўнага героя гісторыі – пацешнае сланяня.
З пазнавальнай кнігі “Слоны” юныя ўдзельнікі мерапрыемства даведаліся шмат цікавай інфармацыі аб гэтых дзіўных жывёлах.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.