13 жніўня ў дзіцячым пакоі прайшлі заняткі “Цікава пачытаць” па кнізе Міхаіла Пляцкоўскага “Сказки про зверей”.
Усім вельмі спадабаліся маленькія казачныя гісторыі пра тое, што прыдумаў зрабіць калючы Вожык, каб яго пагладзілі, і як дапытлівая пчолка Жужуля пасябравала з тыгранём Паласацікам. Яркія ілюстрацыі Уладзіміра Суцеева натхнілі дзяцей на стварэнне вырабу з каляровай паперы – забаўнай фігуркі вожыка.
Вясёлыя песні на вершы Міхаіла Пляцкоўскага і гульня “Адгадай па адным слове” зрабілі непаўторныя ўражанні на ўдзельнікаў.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.