22 студзеня ў дзіцячым пакоі прайшлі заняткі “Цікава пачытаць” па кнізе Холі Веб “Щенок Оскар, или Секрет счастливого Рождества”.
Павучальная гісторыя пра дружбу шчаняці-далмаціна па імі Оскар і дзяўчынкі Ханны выклікала ў дзяцей непадробную цікавасць. Галоўная гераіня кнігі паказала добры прыклад чулых і клапатлівых адносін да свайго гадаванца, які стаў для яе верным і надзейным сябрам.
На занятках удзельнікі даведаліся, што далмацінцы нараджаюцца цалкам беласнежнымі, а цёмныя плямкі з’яўляюцца ў іх толькі праз некаторы час.
Дружна і весела хлопчыкі і дзяўчаткі пагулялі ў рухавую гульню “Сабачка” і зрабілі фігурку шчаняці-далмацінца ў тэхніцы арыгамі.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
