23 кастрычніка ў дзіцячым пакоі прайшлі заняткі “Цікава пачытаць” па кнізе апавяданняў І.З. Юркіна “Малекулы ў дзіравых ботах”.
Разглядаючы маляўнічыя ілюстрацыі, дзеці з цікавасцю слухалі пацешныя гісторыі, якія адбываліся з галоўнымі героямі кнігі. Яны не толькі даведаліся, як запомніць хімічную формулу і здзейсніць адкрыццё ў навуцы, але і намалявалі аднаго з пацешных персанажаў кнігі – вясёлае пудзіла.
У займальнай гульні-эстафеце “Рыбакі і рыбкі” ўдзельнікі, пераўвасобіўшыся ў рыбаловаў, праявілі спрыт, кемлівасць і ўменне гуляць у камандзе.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.