6 сакавіка ў дзіцячым пакоі на занятках “Цікава пачытаць” дзеці даведаліся пра фантазіі жыццярадаснай дзяўчынкі Агаты – галоўнай гераіні кнігі Віктара Старыкава “Агата і яе чарадзейныя рэчы”.
Незвычайныя і дзіўныя персанажы паўсталі ў маляўнічых кніжных ілюстрацыях. Любімым героем дзяцей стаў чарадзейны дракончык Верыці, які вучыць сяброўству і адданасці.
Пераўвасобіўшыся ў юных дызайнераў, удзельнікі навучыліся маляваць прыгожыя сукенкі Агаты, а пасля дружна стварылі “праўдзівыя” пацеркі.
Заняткі атрымаліся вясёлымі і займальнымі.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.