Для карыстальнікаў Нацыянальнай бібліятэкі Беларусі і партнёраў па віртуальнай чытальнай зале адкрыты тэставы доступ да рэсурсу “Арт-партал. Сусветная мастацкая культура” выдавецтва “Дырэкт-Медыя”.
Арт-партал – адзін з інфармацыйных прадуктаў электронна-бібліятэчнай сістэмы “Універсітэцкая бібліятэка анлайн”, прысвечаны мастацтву. База даных ілюстрацыйна-адукацыйнага рэсурсу ўтрымлівае больш за 70 000 рэпрадукцый мастацкіх твораў высокай якасці, іх апісанне і гісторыі стварэння; інфармацыю пра больш чым 6 500 майстроў мастацтва; падрабязную інфармацыю аб музеях, галерэях свету і іншых трымальніках шэдэўраў; звесткі аб стылях і эпохах у сусветным мастацтве.
На партале таксама прадстаўлены шэраг унікальных сэрвісаў, такіх як Артатэка інтэрактыўных альбомаў, Арт Хранограф (3D стужка часу) і інш. Кожны месяц партал папаўняецца новымі малюнкамі, артыкуламі і аб'ектамі.
Мова дакументаў – руская.
Доступ адкрыты да 31 снежня 2018 г.
Матэрыял прадастаўлены аддзелам карпаратыўнага ўзаемадзеяння.