Карыстальнікам Нацыянальнай бібліятэкі і яе партнёрам па віртуальнай чытальнай зале прадастаўлена магчымасць тэставага доступу да электроннай калекцыі навуковых часопісаў па літаратуры, культуралогіі, сацыялогіі, палітыцы, гісторыі і кніжнай калекцыі выдавецтва Duke University Press, у якую ўваходзяць больш за 2,5 тыс. найменняў перыядычных выданняў.
Ужо амаль цэлае стагоддзе амерыканскае навуковае выдавецтва Duke University Press публікуе выданні па гуманітарных і грамадскіх навуках, актыўна падтрымлівае ідэі наватараў і міждысцыплінарныя даследаванні.
На працягу больш за 80 гадоў выдавецтва таксама надае вялікую ўвагу матэматыцы і з 2008 года сумесна з бібліятэкай Карнэльскага ўніверсітэта ажыццяўляе праект “Еўклід”, накіраваны на стварэнне спецыялізаванай электроннай платформы.
Звяртаем увагу ўсіх, хто цікавіцца дакладнымі навукамі, што часопісы па тэарэтычнай і прыкладной матэматыцы, статыстыцы на платформе праекта “Еўклід” таксама даступны для тэсціравання.
Мова дакументаў – англійская.
Тэставы доступ адкрыты да 25 студзеня 2020 года.
Матэрыял прадастаўлены аддзелам карпаратыўнага ўзаемадзеяння.
